|
Gehio letu dezazun animoz emanak
Jesus Mari Mendizabal
Doinua: Belateko lapurrarena
1
Durangoko azoka
heldu da berriro
betiko sei katuak
han biltzeko giro.
Bertso nahasitan nahi dut
jo zazpi enbido
salatuaz hamaika
masoka libido
begibistan baitauzkat
hamabi motibo.
2
Nola pikardia den
pipia zurean
eta domistikuna
ajea agurean,
ea zen liburu asko
sortua gurean
behin ere ez geundelako
irakur gurean;
ordu galdu damutan
beraz ez gaudean.
3
Lehen ez zela-ta, nornahi
zitekeen defenda
gaur luzea da baina
liburu zerrenda,
etxetik urrun gabe
hara zenbat denda
baina zertako kendu
begitako benda...
eguzki aldi txarrik
ere ba omen da.
4
Sekulan ez gara izan
esateko lotsak
geure etxeko kulturan
gabiltzala motzak;
ezin engainatuko
ditugu arrotzak
jakin dakitelako
beti're zorrotzak
eraman ohi direla
gosearen hortzak.
5
Mostradore ederrak
munduko terrazan
eta etxekoari
seinalea trazan,
sarritan hor gabiltza
"balitz eta bazan"
baina baldintzak beti
daude elkarren kazan,
ttunttuna motela al da
euskaldunon plazan?
6
Errege soilarekin
haundira ordago
joaz izorratu da
makiņa bat mago,
kolore eta itxuraren
esperoan bahago
ikusl beharko duk
barrura gehiago:
larrua atorra baino
diagu urbilago.
7
Zenbaitek damuz dio:
"ai ez bagindoaz
bide berri hauetan
zankatraba joaz!"
Alperrik erten dugu
hainbeste legoaz
baldin dugunarekin
konforme ez bagoaz
negarrez jardun gabe
genuenekoaz.
8
Lehorte ondo latzak
pasiak gaurdaino
gaurkoarekin zertan
kezkatu hartaino?
Bagoaz behintzat eta
auskalo noraino...
Tximistak jo bazaitu
nonbait bada laino
eta hobe da trumoia
rogatiba baino.
9
Gure hizkuntzak halere
ea ditu urratsak
garai batean bezain
natural errazak,
orain oinak lokatzez
nolako lorratzak...!
Itxura tajuzkoa
ez badu erratzak
derrior gure etxeko
bazterrak narratsak.
10
Baina egia esan
modu laburrean
ez gaude egoera
horren simaurrean,
nahiz ukoka ari diren
zenbaitxo gaurrean
apurrak baditugu
zilar eta urrean;
ikusi nahi ez duna
beti doa aurrean.
11
Inork ez diezaigula
jo gero adarrik
gutxien ikasitan
bai baita indarrik
harroxko mostratzeko
barne huts baldarrik
zoritxarrean ez du
zenbaiten belarrik
tontoa izateko
ikasi beharrik.
12
Aitzakia-maitzaki
eta akiakula
gaur agerian dago
denon matrikula:
hainbeste non janik ez
bada izan sekula
lapikorik nahi ez-ta
angula-mangula
hastea ez da gosea
baizik dugun gula.
13
Hona hamabi bertso
kate baten danak
gehio leta dezazun
animoz emanak
gose eta lehorteak
hor ditut esanak
baina jakin itzazu
egarrien lanak
haundiagoa sortzen
duela edanak!
|
