Gure herriko neskatxak

Daniel Landart

                                                                         (1946)

 Gure herriko neskatxak

 dira biziki pollitak

 xoratzen dute herria

 eta mutiko gazteak.

 Behar zinuzke ikusi

 gure pesta egunetan

 zonbeit ziren harrigarri

 akituak, beti dantzan!

 Arropa arrez bezti

 xapela buru gainean

 matelak ezpainak gorri

 gogo bihotzak airean

 Irrinoa ezpainetan

 begiak dirdir daldaran

 zangoak arin farandan

 bada loria pestetan!

 Gure herriko neskatxak

 izan diten plantakoak

 ta behar bezalakoak

 lagun ditzala Jainkoak..

                                                                 (Herria, 1964)