inprimatu
Eden
Izenburua:
Eden
Sinadura:
Mayi Pelot
Urkizaren iruzkina:
Egilea(k):
Pelot, Mayi

Argitalpena:
Plazara.
Urtea:
1986
Argitalpenaren urtea:
Alea:
5.zk.
Orrialdea:
25

 

Eden

 

Mayi Pelot

                                                                         (1947)

 

 Maite

 besteak baratze perde-gorrixketan

 pausatzen direnean

 guk parabisutik kanpoan ibiliz

 oinak erhauts gezez beteak baditugu,

 zer axola?

 

 Hemengo

 ondar idorrean

 harri gaziku

                   irats horixka

                                       belar motz

                                                         ur saminen artean

 da gure baratzea.

 

 Ogibi ta palmondoak

 debekatu bazauzku,

 gureak

 larre ubelak

 sasi beltxaranak

 basa igalien mami bixia!

 

 Hemen gure ahoetan

 basandre gozoa atxikiz

 ondar latzean etzanak

 maite

 iturri freskoa

 bilatuko dugu...

 

                                                                   ("Maiatz" 2.)

 

 


inprimatu