Elgarrekin

Iratzeder

                                                                         (1920)

                                                 "Ecce quam bonum..."

 Elgarrekin, anaia, sugartuko gira

 Belokeko Amaren hegalpe beroan,

 Gauaz kantuz egonez zerurat begira,

 Gaitzeko izar suak pizterainokoan.

 Elgarrekin su hori Sort-Herri guzira

 Oihuz, othoitzez, kantuz, hedatu ondoan,

 Gure lagun indarka bermatuko zira

 Eskual lurraren deia Jainkoraino doan.

 Eskual itsaso, mendi eta lurpetarik

 Lillura, odol, auhen, hatsak gureturik,

 Kapa-hegalak zabal, arpegia bakhe.

 Kharraren beroz eta Jainko gozoz zoro,

 Zeruz-zeru kantari joanen gira oro,

 Zirimol urdin eta eskual-dei, eskual khe.

                                                 Beloken 1/8/42 (Zeru Menditik)