Uso galdu
Biurko'tar Yon
Ene uso nerea, nora zu igeska
beste lurralde berri urruti billaka?
Zeiņek lapurtu dizu zure biotz bakun
eriotza besterik arki ez dezazun?
Usategi polita ba-neukan zuretzat
aukera baizindudan nere erregiņetzat;
nere amets-zerua illundu zait neri...
zuk ematen zenidan argia, non arki?
Lenengo ta egizko maitale ninduzun;
nola aal biziko enengandik urrun?
Usategira zaite bai, arren, agudo,
kabia baidaukazu oraindikan bero.
Silla ari zaizkizu goseti ta sumin
miru ta bele beltzak jateko leiakin...
au nere biotz-miņa, zure bular gozo
iretsiko balute pozki ta oparo.
Ene uso nerea betiko joana
biotz aldakor orrek urrun eramana,
itzuli nai ez ere... zoriontsu zaite;
nere biotzak beti zure miņa duke.
