Igone

Kerexeta'tar J. «Arantzibia»

                                                     («Bitargi» idazkitik artua)

 Udazken-goiza, bakez;

 goian, azken-izarra

 ba-doa, bizi-naiez;

 intzez diz-diz, lizarra.

 Zure izena ortzean

 izar-ametsez dakust;

 zure itz leuna errekan

 arrain-eresiz dantzut.

 Amets dagit buruaz

 bear baiño geiago;

 biotz motel au, barriz,

 negute baten dago.

 Maitalari-ordua

 sartu yat barrenera,

 otzez dodan barru au

 laztanez bizkortzera.

 Lo-zale zaitudaze,

 nire begi nagiok!

 Norako itzi nozue geldi,

 bide-argiok?

 Iratzar, ene gogo!

 Jagi zure lotatik:

 eroan naian goizak

 maitasun-bidetatik!