|
Antonio Machado'ri
Otsalar'ek
Bere eriotzako 20'gn urte-buruan, omenez,
Parnaso barrutian
bizi-bide zoriz
egunak eta gauak
jantziaz olerkiz.
Bizitza igaro zuen
gizonki kantatuz,
garaieri argia
ausarti urratuz.
Iturburu sendoa
barrutik dario,
lur-bira guziari
sorturikan giro.
Zabalduz asetzeko
edari txarmanta;
edanak-edanala
asetzerik ezta.
Egun baten odeiak
ortzia beltzituz,
aize burrukariak
ekaitzez biurtuz.
Ego-aize latzaren
bultzadak uxatuz
Pirineo'az gaindi
a erbesteratuz.
Bere pentsamenaren
argiak itzali...
maite lurretik urrun
gogoak erori.
Gaztela'ko lurreri
nok kanta ark aņa?
Garestia izan zan
eman zion ordaņa.
Il zaigu olerkarien
aintzin txapelduna;
iņon negarrik gabe
bakarkiro joana.
Collioure aldeko
lur zakar ta otzak
errukige iruntsiz
bere ondar illak.
Orain ixildu dira
bere gogo-kantak.
Pakea emango al dio
goi aldean Jaunak.
1.959
|
