inprimatu
Esna zaitez, Bilbao
Izenburua:
Esna zaitez, Bilbao
Sinadura:
Faustino Zerio
Urkizaren iruzkina:
Egilea(k):
Zerio, Faustino

Argitalpena:
Euzko-Gogoa.
Urtea:
1958
Argitalpenaren urtea:
Alea:
iraila/gabonila
Orrialdea:
444

 

Esna zaitez Bilbao

 

Biurko'tar Jon

 

                                 Bilbo'tik igarotzean

                                 aurtengo udan. —1958

                                 Bertsolarien egunean.

 

               1

 Bilbao au... Au itxusi;

 ke beltz gorri nonnai...

 Ibaizabal zikiņa...

 Kaleak euski-zai.

             Alare maite zaitut,

                         egia;

             zuri naiz beltz zeranik

                         ez kezka.

 

               2

 Ingurun lantokiek

 betiko lorak il;

 aizeak, txori ordez,

 burni-zaratak bil.

             Aldaketa au mingarri

                         naiz leuna

             ote danik, neretzat

                         ez kezka.

 

               3

 Baņan erdalkeria

 ibaika sar da ari,

 bazterrera araziaz

 gure mintzo-pitxi;

             ta nik au, ene Jainko

                         on ori,

             ezin eraman eta

                         ikusi.

 

               4

 Eden edan baituzu,

 (noski ezin bestez)

 iltzer duzu gogoa

 orain, zoritxarrez;

             osakai billa zazu

                         lenbaitlen

             euskal iturrietan;

                         bai, arren.

 

               5

 Ots, ta zure Ondartzan

 txioka arrigarriz

 euskal txoriak ari

 ditezela berriz.

             Zure gau beltz al dute

                         uxanen

             olerkari-txoriak

                         kantatzen.

 

               6

 Bilbao, ba duzu ere

 orren arpegi beltz,

 zure gogo ederra

 nik maite, esna zaitez.

             Ta itxaro-euskiak

                         piztuko

             nere gauan izar bat

                         betiko.

 

 


inprimatu