Min dut biotzean

Gazte'k

 Barnean zast-zast,

 taupaka

 biotzak arnas.

 Ikus nere

 oñaze garratz.

 Ixil magalean, arratseko

 aize miazka,

 kezkati egonaldi estuan

 emen nago ba,

 biotz-barneko

 eskutukiak aztarrika

 Zerbait sumatu det

 biotz-barru

 onetan txit samingarri.

 Bañan, al dakit

 bada, zer danik

 samin ain zorrotz, ain bizi?

 Barnean zast-zast,

 taupaka

 biotzak arnas.

 Ikus nere

 oñaze garratz.

 Goibel dut gogo,

 begiak malko.

 Ai! nere biotz gaxo...!

 Ataun-go Joxe aixkide nere,

 ill dan edo... kezkati nago...

 Barneak zast-zast.

 Ikus nere

 samin txit garratz.

 Nork ba samiña,

 nork bai nik aña,

 mingotz, latz, etsi-eziña?...

 A!, lagun laztana,

 poz xamurduna,

 ar bekik ene otoitz biguña

 Taupaka biotza,

 estu dut arnas.

 Begira ba nere

 oñaze garratz