Nora oa?
Erkiaga, Eusebio
Nora oa, gazte urduri,
begiak zabal ta bizi,
biotza geraka,
odola sastaka?
Nora oa, mendiz mendi,
uriz uri, gazte ori?
Ez al dik goizak eskeiņi
bizitza poz berezirik,
edota, ilunabarrak, isil,
maitetasun-garrik?
Arpegi zurbillen batek
sorgin-keiņua egin al dik?
Mozkor-usaiņez loreek
ire barnegiroa zoraturik?
Ez ote ire kolkoan erne
zalgi zital, belar erre?
Oa, ba, oa, ire bideen eske;
oa txairo, zal eta gazte;
galde itzak neskatxen biotzak,
urrenik urrena
txitean poz, pitean edena,
gaztezaroko odolkadak
mamiņean atximurkadak.
Baiņan ez adi
ik uste baiņo leen
niregana itzuli
negar-malkoak legortzen;
antola adi bakarrik,
baztertxoren baten.
|