Ar zazue ta ian

Irisarri

 «Ots, fruitu ortatik ar zazue ta ian»

 erran zion suge maltzurrak Evari;

 «ori ianez-gero Iainkoa iduri

 izanen zerate, ez herabe ukan.»

 Evak fruitua artu ta ian zuen bertan,

 itsurat iarraikiz aren erranari;

 zorigaitz guzien azpiko zen iarri,

 Iainkoa bezainbat izan bearrean.

 Azken afarian Iesusek orori

 erran digu berdin: «Ea, ogi ori

 ar zazue ta ian, nere gorputza da.»

 Ta gu bai, Kristoren aragia ianez

 ta Kristoren odol ederra edanez,

 Iainkoa iduri bilakatzen gara.