Dugun elkar maite

Irisarri

 Ots bada, kristauok dugun elkar maite!

 Kristorekin gorputz bakar bat gera gu

 Kristo gure Iauna gorputz orren buru,

 ta kristau guziok beraren soin-alde.

 Andi eta txiki, aberats ta gabe,

 mai berean ogi berbera ian dugu

 ta untzi beretik orok edan dugu,

 oturuntz berean izanik partaide.

 Alde gureganik beraz gorrotoa!

 alde liskar, auzi, aserre gaiztoa!

 bizi gaiten oro batasun ertsian.

 Ezin-ikusiak aldebat utzirik,

 elkar-maitez gauden elkarri itsatsirik,

 ta Kristo Iainkoa bego gure erdian.