Zerutikako ogia

Irisarri

 «Zuen arbasoek mortuan ian zuten

 anbat urtez mana ianari eztia,

 egunoro Iaunak berak erauntsia;

 ori ianagatik aiek il ziraden.

 Nik dizuet orain, nik zuei ematen

 bizitzedun ogi zerutik iautsia,

 gozotasun oro dituen ogia;

 au iaten duena ezta inoiz ilen.

 Nere aragi au zinez ianari da

 ta nere odol au zinez edari da;

 ar zazue orok, artu, ian ta edan.

 Ots, nere aragi au iaten duena

 ta nere odol au edaten duena,

 bizirik dagoke menderen mendetan.»