Begi-beltzdun elur-lili
Otsalar
Bizi naizen txoko ontan
eguzkia oso urri.
Illunak aultasuna berakin dakarzkik,
eta, ene ametsa diat argi.
O!, egan uan odei bel-txuri,
Aunamendi'an barna,
naramak irekin.
Pirineo'an bai duk argia nai-aņa.
Amiltegien gaņetik,
elur-zuriz orniturik,
ba-duk aski gallurrik
elur-liliz (1) apaindurik.
Laņozko zaldi azkarrok
zuen gaņean zamalkatuz,
egaztada arin baten,
Eolo'k puzka lagunduz.
.....................................................
Odeiak naspil ortzian,
gallurrak erpin mendian,
kaden itunak baztertuz
zorioneko aurkitu nintzoan.
Zertan ago elur-lili
emakumez jantzirik
goen gallurretako
lilia izanik?
Ur-jausien zillar-aparren,
bisuts-lekurik soillenean
aintzira ixilkoien gaņean,
aur-erregiņa aiz pakean.
Baņa, zertan abil gallur ortan
begi-beltzdun elur-lili?
Esaidan. Nire billa ote abil
Edelweiss zoragarri?
Ba-niņan uste ori,
nunbait zain ote intzanan
nire biotzarekin jabetzeko;
eta i, elur tartean.
Jainkoaren ondoan,
izarren gandik urbil,
orban gabe bizi nairik
gizonen gandik urrin.
Inguruan ire lagun
elurra t'aize otza;
etsairik gogorrena
erruki bageko ekaitza.
O!, begi-beltz elur-lili
ene biotzmiņa diņat i-gan,
maite aunat, eta
laguntza nai al-dun ire nekeetan?
Pirineo'ko gallur artan
biotza idanan iltzatu...
Elur-lilizko andereņoa,
nik aņa; nork maitatu?
Ene biotz txokoan
nai diņat nik euki.
Ik jarri naun lilluraturik
begi-beltzdun elur-lili.
(1) Elur-lilli: Edelweiss, Flor de las nieves, (Leontopodium).