Tribularer, si nescirem

Irisarri

 Iauna, unenbertze bekatu ta gaizki

 ni baitan sumatuz, ikara ta beldur

 etsi ta ustea gal nezake segur,

 zeinen urrikaltsu zeran ezpanaki.

 Zuk errana duzu: «Eztut nai ez naski!

 obendun gaiztoa il dadien labur;

 nerez naiago dut onbidera biur

 ta bizi dadien aitzina luzaki.»

 Iauna, zuk beinola Maria Madalen,

 baita zergaria ta andre kanandarra

 ekarri zintuen zeruko biderat.

 Orai neri ere indazu, lenbailen

 egiaz ontzeko gogo ta indarra,

 milka ez noan betiko lezerat.