Peccavi super numerum arenae maris

Irisarri

 Eztezaket uka, ene Iainko bakar:

 anbat anbat aldiz bekatu egin dut,

 zure aitzinean lotsa galdu dizut,

 zure uztarria egotzi dut zakar.

 Itsas-bazterrean zenbat are legar,

 zenbat belar-izpi dauden lurrean xut,

 nik aldi geiagoz egin nizun axut,

 zure aserrea izekiz su-ta-gar.

 Zuri egin nizun oben, bai zerorri!

 orain aitortzen dut burua kur apal,

 ahalkez ta damuz aurpegia gorri.

 Ai! nere begiok zeruko aldera

 goratzeko ere lotsa naiz ta makal;

 barka, barka otoi! Iainko gogabera.