Nere baserri

Ariztieta

                                           Nere lagun maite Baxurko'ri, biotzez.

 Goiko mendian

         Nere baserri;

 Bere izena «GAINZURI»

 Nere jaiotz-lekua,

 Kabi zar, eztitsua.

         Biotz barruko

         Lore maitea

         Nere guraso

         Zarren etxea!...

         Nere guraso

         Kutun, laztanak,

 Egizko euskaldunak,

 Beti zintzo lanean,

         Ongi bizitu

         Ziran pakean.

 Negu txarra zanean,

 Etxeko sukaldean,

         An giñan beti

         Ipui kontari,

         Bai-ta ere gure euskal

         Kanta zarrak kantari.

         Danak il ziran...

         Gaxo-maiteak...

 Kristau berdingabeak!...

 Ta eskerrak beudeki,

 Ikasi nuen ongi.

 Goi-goratzen gartsuki,

         Nere baserri,

         Lilluragarri.

 Gaur, lan egiñaz zintzo,

 Emen ongi bizi naiz,

 Paketsu eta alaiki.

         Nere asaben

         Basetxe zarra,

 Betikoz nik emango

 Dizut bizitzeko zuk

 Bear dezun indarra,

         Izan zaitezen

         Sendo ta azkarra.

 Zintzo ekin bear dut,

 Gogo onez, zuregatik,

 Neretzat zeralako

 AMA on, zoragarri!...

         Basoko lurrin

         Gozoaz nere

 Barrena ongi ase,

         Beko kaleko

 Kutsu txarretik iges...

         Ori da nere

         Asmo bakarra.

 Bestela uste gabean...

 Irentsiko dituzte

 Iguingarrizko arrak,

         Gureak diran

         Baso, sagasti,

         Mendi ta ibarrak!!