Seme ondatzailea

Irisarri

 Ni naiz, ni, arako seme gazte zoro,

 aitaren etxetik ihesi ioana;

 nere seniparte ark berak emana

 lasaikerian dut irion osoro.

 Nere aitetxean badute egunoro

 anbertze mutilek gaindiz ian-emana;

 ni berriz, etxeko nausigai nintzana,

 baso untan bakar, zarpail, gose, borro.

 Ots, iaiki ta noan aitaganat! — Aita,

 ez naiz zure seme irizteko gai ta

 etxera ar nazazu morroitzat badere.

 Ta zuk bereala barkatu, ta bai ni

 laztandu, apaindu, iatera eskaini...

 ta aita orren ona utzi nik alere?