Ezpaia

Arantzibia

 Neugana zentozan,

 Zetan ez nekian,

 Zetan ez nekian

 Baina ba-zentozan.

 Zu izketan nirekin

 Ta nik ezin egin,

 —Biotza taupaka—,

 Nik erantzun ezin.

 Zure itz gorrizka areik

 —Maitetasun itzak—,

 Dardaiak biotzon,

 Dardai baltzizkeak.

 Kukua mutua

 Mutua neguan;

 Ni be bardin nintzan

 An zure aurrean.

 Zer zinostan, gazte?

 Zu izketan, ni ixilik.

 Geuk dakigu dana,

 Geuk ta zugatz areik.

 Ta aldendu zintzazan,

 Aldendu agurka;

 Ta urrindu ondoren,

 Ni pozez barreka.

 Zu niri begira,

 — Biotzaren poza! —,

 Ni zuri begira...

 — Txoriak txioka! —.