inprimatu
Erio dut lagun
Izenburua:
Erio dut lagun
Sinadura:
Jokin Zaitegi
Urkizaren iruzkina:
Egilea(k):
Zaitegi, Jokin

Argitalpena:
Euzko-Gogoa.
Urtea:
1956
Argitalpenaren urtea:
Alea:
ilbeltza/otsaila
Orrialdea:
9

 

Erio dut lagun

 

Udalaizpe

 

 Une oro alboan,

 erio, zaut lagun:

 egunez eta gauaz

 ez zabilkit urrun.

 Nire ametsak oro

 biur dira lurrun,

 zerau egin baitzera

 nere zain eta jaun.

 

 Neregan il da beingoz

 aurtzaro garbia,

 itzali zan betiko

 orduko argia.

 Gaztetan biotza nun

 sutan izekia,

 iduri aurkez dudan

 garmendi aundia.

 

 Aspaldidanik nauzu

 garako gizona,

 urteok egin ninuten

 adiskide ona.

 Laztandu gogo zaitut,

 erio amona,

 zurekin bat eginik,

 dezadan zoruna.

 

 Masustak lez izan naiz,

 aurtzaroan zuri,

 biotzaren su-garrez

 mutilletan gorri.

 Aguretan beltz nauzu,

 Gogoa egarri...

 naizen au, erio orrek

 noizkoan irentsi

 

 


inprimatu