Egoaizea

Udalaizpe

 Arreba bixki aunat

 egoaize eroa:

 ire iduri dinagu

 andren gogoa.

 Beso-lagun izaki,

 buruan oloa,

 alde guztiak zear

 norabage noa.

 Udazken arratsaldez

 sortu intzan ero

 baserritarrak dantzan

 ari ziran gero:

 atso zarrak musean

 etxaurrean lerro,

 atarian ozkirri,

 sukaldean bero.

 Ango parre-zantzoak!

 ango ordago bipil,

 euskaldun ezpainetan

 eupada biribil:

 neska, ik diraunaino

 gure baitan murgil,

 aoz belarri ozen

 gure euskera bebil!