Aingeru artera

Xalokin

         Semetxoa

 Ama... Begira beste aurrtxoak

 Zelaian iostari:

 Ni, berriz, emen, egon ta egon,

 Iostallu kontari...

 Zergatik, ama, ez naramazu

 Araxe zelaira?

 Iostari aiek, nexka ta mutil

 Lagunak bait dira?

 Begira Pello'k nola iotzen dun

 Pillota txuria...

 Eta Loentxo'k orain iantzi du

 Txapeltxo gorria.

 Ara, Iosetxo nola dabillen

 Gurdiren gañean...

 Baita Potolo arinka atzetik,

 Arrapa naiean...

 Axun ta Miren sokan dantzari,

 Beste bi kantatzen...

 Oro poz, alai, beti iyutika...

 Eta ni...? maxkaltzen...

 Lo, lo dagidan pixka batean,

 Iolasetan ames...

 Begiak itxi ere ezin, ama,

 Neke ta oñazez...

 Ama: Nolako ote aingeruen

 Zelaia...? Pollita...?

 An bai po...zik ios...

 ta...ko naizela...

 E...go...ak ian... txi... ta...

 Ama... txo, ba..no...a, e...ga...la... ri

 A...ntxe ios... ta...tze...ra...

         Amak—

 Nora zoazkit, nora, maiteño?...

         Semea—

 Ain...ge...ru a...r...te...ra...

                                         Tumaco'n Colombia'n 1955'gn. Iorrallean