Kanpai-otsa
Onaindia
(Dedu-aipua)
Kanpai-ots ikaror, kanpai-ots garden,
Arraio durunduz or goian ozen,
Ez egik egundo dei ori eten.
Goiz-jaunak orduko illuna meetu,
Ik zoli diarduk ots ta durundu:
Otoitz-dei goiztarra an-or zabaldu.
Eguzkia garrez goira danean
Ta armindu ondoren urpe sartzean,
Asper barik ago ots bardiņean.
Ene kanpai maite, jarraitu intziriz,
Biotza bai-daustak igurtzen eztiz
Ta adia ixiotu eder-gai biziz.
Adur gaizto itzala yabilt ondorik,
Izar ta eguzki aiendu barik;
Baņa ik ba-dok naiko niretzat pozik.
Noizka, jaiezkoa dok ire otsa:
Urduri ta bizkor, didar bai litza,
Uri-basoetan azalduz poza.
Baita be, astiro, norbait il bada:
Eresi eztia aur txiki dala,
Zarrik il ba dadi, samin-dunbada.
Nik, alan be, beti, nai pozkor nai itun,
I aut zintzoena espetxe-lagun:
Gau baltzez lastargi, nekean gardun.
