|
Euria
Nemesio Etxaniz
Aterkia tellatu,
euritan ba-noa;
oņak lurrean, goian
amesen ur-loa.
Aterkiz yasango det
euri-erasoa;
gogoak ezin uxa
barneko laņoa.
Zeru-sapaian milla
txulo sortu dira;
andik millaka ari
datoz lur bustira.
Aterpe au kaiola
da nere begira;
burni-ari bustiak
nere jira-bira.
Ala noa bizitzan
loturaz betea,
biotzaren lokarri
gurari-katea.
Nai ta ezin zabaldu
amesen atea;
nere baitan bai-dizut
gogo-espetxea.
Eguzkiak urra du
zeruko goibela.
Aterkia batuta
argi det txapela.
Gora igesi doakit
bulkoen txanela.
Ames egin det berriz
nere esku naizela!
|
