Goizo ta berandu
Nemesio Etxaniz
Gure izar biak lengoan
alkar jo zigutenan.
Nork zekin izar biak
nora joango diran?...
Ire izarra goraka zetorrenan.
Nerea, beraka zijoanan.
Gure zillar-lorratzak,
ba-ziazen alkarri bizkarka.
Ezingo gaitun geiago jarri
begiak alkar-joka.
Ta i... egun argi bi intzanan.
nere bide illa esnatzen.
Ta ni... antzi bi niņunan,
ames galdu bat urratzen.
Zergatik etorri ote-nindunan
onen goizo bizi-maira?
Zergatik agertu intzanan
orren berandu lur-bazkaira?
Ai! Ez euki bear ik
urte batzuk geiago!
Ai! Ez euki bear nik
batzuek gutxiago!
