No me mueve, mi Dios para Quererte

Irisarri

 Zure maitatzera ez nau erakartzen,

 Iauna, zuk zeruan agindu sariak,

 ta ez nau suleze ain beldurgarriak

 zure samintzetik ere atzeratzen.

 Zuk zerorrek nauzu, Iauna, ortaratzen:

 zure gorputz iltzez zur ortan iosiak,

 orrenbat lotsa, min, zauriz estaliak,

 zure erio gogor latzak nau beartzen.

 Ots, zure maiteak narabil. Bai, nai-ta

 zerurik ezpalitz, bazentzaket maita,

 suleza ezpalitz, beldur nintzaizuke.

 Zure maitatzeko ez neri deus eskain:

 naiz uste dudana uste ezpanu, orain

 nai dizudan bezain ongi nai nizuke!