Nor Iainkoa bezalakorik?

Irisarri

 Zerutar guzien erdian xutirik

 agertu zen Mikel aingeru suharra,

 ta goraki iaurti gudu-deiadarra:

 «Nor Iainkoa bezain andi ta nausirik?»

 Orduan egin zen, zerua nasirik,

 an egundainoko gudu ta liskarra:

 batetik Luzifer ta aren saldo tzarra,

 bertzetik Mikel ta bereak iarririk.

 Ta Mikel gurena atera zen garai:

 Luzifer arroa ta arekin zeudenak

 urratu zituen ta erabat autsi.

 Ta artean aingeru eder ziradenak,

 gaizkin nardagarri biurturik orai,

 tximista bezala sulezera iautsi.