«Orixe»-ri ongi etorria

Garmendia'tar Jon Zeleta

 Urteak juan eta

 urteak igorri:

 beyan dakus Lazkano,

 goian Olaberri;

 aurrez «Lazkaumendi»,

 goitik «Urbaundi»...

 Guatemala'tik zaigu

 «Orixe» etorri.

 Alaitu gaitu, guztiz,

 Euskal-idazleak,

 «Orixe»-ren ostera

 onuntz etortzeak.

 Olakoen bearra

 ba'du Euskereak:

 ixeka ez-dagion...

 arrotz-izkuntzeak.

 «Urte Guziko Meza-Bezperak»

 ta poema «EUSKALDUNAK»,

 zoragarrizko idazlan

 bikain ta sakonak.

 Gure ustez dirade:

 liburuik onenak.

 Biotzez damaizuguz

 zorionik-onenenak.

 Labayen'ek goretsi'du

 «Orixe»-n poema,

 egilleai emanaz

 merezi dun fama.

 «Laburpena» deritzon

 bere idazlana...

 gezurrik esan gabe:

 izen-jabe dana.

 Agur, «Orixe» maite,

 idazle argia;

 zugandik izan degu,

 guk, zer-ikasia.

 Omen kaskar au dezu,

 Ongi merezia...

 Biotz-biotzez dizut:

 !ONGI-ETORRIA!

                                                               Olaberri'n, 1955.