Gauontzak

(Les hiboux)

Charles Baudelaire

euskaratzailea:

Aresti S. Gabirel

 Etzauntza duten hagin gainean

 gauontzak zutunik tinko daude,

 iaungoiko arrotzen arauean,

 bet-argi. Gogoeta dagite.

 Eguzki eslaia beeratzen

 dela, ilunak iautsiko diren

 tristetasun-garaietarako

 igitzeke dira geratuko.

 Zurrunbilo mugimenduaren

 beldur den mundu ontan bear den

 arau zuurraz, aien tankera.

 Pasatzen den itzal batez ordi,

 gizonak lekuz aldatu gura

 gaitik lorra darama beti.