Aspaldikoa

Arantzibia

 Beti olan, pozik gabe,

 Bizitza dan ituna!

 Barre-irrik ez ezpanetan,

 Ezta abesti biguna.

 Entzun ezinik mendian

 Orbel-otsa oiñetan,

 Neroni pa-emon nairik

 Udagoi-arratsetan.

 Zenbaten gura izan neban

 Azkatasun-bidea,

 Txakur mutur baltz arekin

 Bakean bizitea!

 Baiña abots batek ziraustan

 «Alan nai zeuke bizi?

 Kontuz! Loren ondoan ba

 Arantzak dira ikusi».

 Negar, itxaron, nai izan

 Zorunezko geroa;

 Auxe zan luzaro nire

 Amaibako leloa.