Ipar-aizea

Arantzibia

 «Ainbatek itz dagitzugu

 Udako arratsetan,

 Beroaz egon eziñik,

 Larri, gagozanetan.

 Zatoz, laster, Ipar-aize,

 Baturik zure patxuz,

 Bero gogorra aldendurik

 Zerbait otzitu gaizuz.»

 Negu biotzean baiña

 Beste bat da leloa:

 «Zoaz arin, Ipar-aize,

 Gugaz daigun beroa.

 Zuk, ateak izten dozuz,

 Erio dirudizu

 Azurrok dardaraka itxiz...

 Sua bearko biztu.»

 Umeak barriz, diñoe:

 «Bideak zuriz dozuz

 Gizonkillak egiteko;

 Zugatzak, barriz, mamuz.

 Zagoz gugaz, Ipar-aize,

 Zurekin da edurra,

 Ikusi arte ortzean

 Euzkiaren muturra.»

 Edurra ta Ipar-aizea,

 Iges doaz mendira;

 «Ago or geldi, Ipar-aize,

 Udararte begira.»