Udabarrian

Arantzibia

 Euzki epela datorkit

 Begiok agurtzen;

 Otzez neukazan, bildurrez,

 Ezkutuan emen.

 Aurtzaroa asi da pozez

 Saltoka zelaian:

 Eurenak dira liliak

 Esku bigunetan.

 Pio-pioka txindorra

 Baratz-zugatzetan,

 Birigarroa areiztian

 Arrats apalean.

 Bedar barria ba-dator

 Zelai orlegian.

 Ta izadi barriz jantzi da

 Zugatz-orrietan.

 Guztia danez bizia,

 Betor baita orain

 Goiz-askatasun betea

 Zoruna berakin!