|
Urki-artean
Arantzibia
Zu bazabiltz barriro be
Urki-artean, beti lez:
Zetan eta zer billatzen?
Urki-artean arratsez...
Esaidazu: Giz-abestiz
Ala txoritxu-eresiz?
Zintzuak dira paguak,
—Nirea ba'litz indar a!—;
Baiņa, zu lakoa nun-ete?
Gogoa dozun zintzoa!
Ta zuk ekin zeureari;
Zadiz urki-maitagarri!
Esaidazu: Zer dakazu
Urki-artean, keizpetan,
Oin beoik oldei-ganean,
Orren legunki berbetan?
Lizardi'ren olerkiek
Ete darabiltz min orrek?
Goiz-ostargi zurizkeak
Ezti-patxoak dario;
Zure ozkorri-agoak,
Gazte, zer ete dario?
Ea bada, esaidazu:
Zertxu galdu ete dozu?
Urki-artean luzaro,
Zer da billau nai dozuna?
Bai-dakit: bakartasuna...
Ez! Galdu dan maitasuna.
|
