CIXgarren sonetua

William Shakespeare

euskaratzailea:

Aresti S. Gabirel

 Etzazu erran bihotz-falsu naizela,

 gabeak garra zein den agertu arren.

 Bularrean duzun gogotik bezela

 burutik eztuket alderik eginen.

 Maite-etxe dut: urrun banaiz ioan,

 ibilten denaz, berriro naiz itzulten;

 beta bearrez, ez beta trukatuan,

 hitsa garbitzekotz ura dut ekarten.

 Neoiz ez uste, nitan regnatu arren,

 odol-motak oro dituzten makalak,

 ain ezkergez zaitukeela satsutzen,

 ezertzat utz eztitzazun on-aalak.

 Uniuersu zabal au ezertzat eztut,

 zu landaz nire larrosa: artan zaitut.