Zer naiz ni...

Irisarri

 Lenago zer izan nintzen ni? —Ezer ez!

 zeruko Iaunari zor diot bizia;

 Ark eman dit naizen ta dudan guzia,

 berak egina naiz, utsa nintzen nerez.

 Orain zer naiz? —Orain orobat deus ere ez,

 baldin nere gisa banendi utzia;

 aurki deus-ezera berriz itzulia,

 Iainkoak ezpalit eusten bere-berez.

 Gero zer izanen? —Gero gorputz narrats

 ilkor au lurpean arren bazka lizun,

 auts ustel pixka bat, nardagarri ta sats.

 Eta arima? —Ori gerok zer nai dugun:

 edo sulezean ileti beltz kirats,

 edo zeru goian aingeru argidun.