Memento homo

Irisarri

 Oroit adi, oroit, gizon bizi-lapur,

 lur pixkat aizela, autsa ez bertzerik;

 oroit adi, epe luzea gaberik

 orixe izanen aizela berriz: lur.

 Baiki, herioa etorriko lapur

 gutien ustean, ixilka, gorderik;

 lurreko guziei, nai edo ez nairik,

 erran bearko bein ta betiko agur,

 Eztik deusek ere orduan balio,

 lur gaineko deusek ezpaitik Herio

 atzera bidaltzen, arengana bear.

 Ots bada, Herio datorren orduan

 atzeman ez azan lo itsumustuan,

 ago beti erne, ago beti atzar.