inprimatu
Katu-eztaiak
Izenburua:
Katu-eztaiak
Sinadura:
Nemesio Etxaniz
Urkizaren iruzkina:
Egilea(k):
Etxaniz, Nemesio

Argitalpena:
Euzko-Gogoa.
Urtea:
1954
Argitalpenaren urtea:
Alea:
9/10
Orrialdea:
134

 

Katu-eztaiak

 

Amillaitz

 

 Orain asiko dizut

 istori berria,

 apaiz biren arteko

 kontu xelebria.

 Katu ñabar txuri bat,

 atzapar luzia,

 sartu da bitartean

 maleziz betia,

 kardantxulo gaxoak

 galduaz bizia.

 

 Don Jose Domingo zan

 Ezkio'ko apaiz,

 Ataun'era aldatua

 oso musu alaiz.

 Etxean katu bat zun

 guritua arraiz,

 ta sabela betetzen

 zekiña txuri-jaiz,

 bere maltzurkeriak

 erakutsirik maiz.

 

 Katu ñabar-txuriak,

 «Pitin» du izena,

 baña itxura oso du

 potolo gizena.

 Ezkio'n gelditu da,

 katu zar alena!

 trasteak jaso arte

 an dezan txalmena.

 Ataun'era baño len,

 egin du azkena

 

 Don Juan Aierbe degu

 orain etorria,

 Bizkai'ko Urduliz'tik

 aldatu-berria.

 Berekin dakarkigu

 txori kantaria.

 Ezkio'n zabaldu du

 abade-etxea,

 ta mai-gañean utzi

 kaiolan txoria.

 

 Etsai maltzurrak azkar

 artu du usaia.

 Apaiza atera bezin

 laster, an du jaia.

 O, zein polita dagon

 kaiola ta maia!

 Atzaparra luzatuz,

 ederki da saia.

 Kardantxuloarekin

 egin du eztaia.

 

 Apaiz berria sartu

 da berriz etxera,

 ta ba-dijoa pozik

 txoria ikustera.

 Ai, ene! nork bota du

 kaiola lurrera,

 eta kardantxuloa

 andikan atera?

 Luma batzuk agertu

 diote galera.

 

 Ai, katu demonio,

 deabru maltzurra!

 Nork uste nere etxean

 nuanik lapurra?

 Nik astinduko diat

 ire gain ezurra,

 ondo neurtuaz

 ire lepoko ezurra,

 ta emen utzi iñukan

 nagusi makurra!

 

 Or dator apaiz zarra

 Ataun'dik berriro,

 ta apaiz gazteak artu

 du aserre-giro,

 aren pizti-lan txarrak

 kontatuz biziro.

 Apaiz zarrak algaraz

 dio alaikiro:

 «Kardantxulo bat, a zer

 nolako zikiro!»

 

 Trasteak batu ditu

 etxea uztutzeko,

 saku zar bat artuaz

 piztia an sartzeko:

 kardantxulo gaxoa,

 ez dauka aztutzeko.

 Katu zarra nai luke

 jorra pixkateko.

 Apaiz gaztea zai du

 piztia astintzeko:

 

 An da katu maltzurra

 sakuan sartua.

 Apaiz gazteak orain

 du bere saiua.

 Aiek katu marruak!

 Ango ostikua!

 Katuak atzaparrez

 urra du sakua,

 ta zulotik igesi

 gorde du burua.

 

 Aiek parre gozoak

 apaiz zarrarenak!

 Pixkateko ba'ditu

 esteak etenak.

 Katu belendrin ori

 ikus nai lukenak,

 San Gregorio'n billa

 bitza aztarrenak.

 An daude aren berri

 Ondo dakitenak.

 

 


inprimatu