|
Argatik
Amillaitz
Eguzkitara zabaldutako
zapi urdin zan zerua
Izarraiz'tik Ernio'ra:
argia, urrezko ogean,
etzatera zijoan
Keixeta aldera.
Argatik alkar
maite izan genun
iņular-girora.
Eguzkia, odol zan
arrats-malkoetan:
laņoak gorri ziran
argi-zotiņetan.
Argatik gure biotzak,
lenengo miņa
izan zuten egun artan.
Zerua, auts-kolore
ego-aldetik:
argia, zikin zetorren
zeru-sapaitik.
Argatik gure amesak
lausotzen asi ziran
atsalde artatik.
Zerua goibel,
aizea nasi:
argia, ekaitz-bildur,
joan zan igesi.
Argatik gure maite-usteak
(zorion azi),
gau aretan ziran ausi.
!.........?
Laņo?... Izar?... Ames?...
Zer ajola dio!
Zoaz zere bidez.
|
