Mikel, Mikel gurea

Irisarri

 Aralar mendian gorarik zauzkagu,

 zerutar gudari-talden Buru Mikel;

 Euskalerri unen begirale tinel

 gain ortatik beti barrandan zagozku.

     Euskaldunok zugan uste andi dugu,

 ersturetan zuri otsegiten hel! hel!

 ta gure uste au ezta iñoiz ustel

 atera, zu beti iabetu zatzaizku.

     Orain ere zure bearretan gera;

 Euskaldunek estu otoi-dagitzute,

 begi ta biotzak Aralar aldera.

     Ta zuk gain ortatik oien dei larria

 ez entzunen ote? «Mikel» diotsute,

 «Gure Mikel. gorde, gorde Euskal-erria!»