inprimatu
Baserriko Goizaldea
Izenburua:
Baserriko Goizaldea
Sinadura:
Bitoriano Gandiaga
Urkizaren iruzkina:
Egilea(k):
Gandiaga, Bitoriano

Argitalpena:
Euzko-Gogoa.
Urtea:
1952
Argitalpenaren urtea:
Alea:
7/8
Orrialdea:
3

 

Baserriko goizaldea

 

Orbelaun

 

 Irribarrez dagiri sorkaldea:

 Odeiak-zuri gorri ta urea.

 Pioka txoritxuak. Argi mea.

 Su ta leiarrezkoa errekea.

 Lurrats nabar-urdiņa. Otz emea.

 Sugaitz adarretatik intz tantea.

 Izar malkoz aramu gau-sarea.

 Lora mota bakoitzan kapelea

 Pitxi banan gordaillu orbangea:

 Lilia, zitoria, larrosea...

 Itsas-aldetik legun aize xea

 Landarakaz olgetan, saramea.

 Poz-negarrez keixa ta masustea.

 

 Aletan indurritxu langillea;

 Eztitan jainkolloa ta erlea.

 Aldapa ertzez-ertze artaldea,

 Atzetik geldi aski agurea.

 Basora auntzak, beiak, aberea...

 

             Beea,

             Murrusea,

             Arrantzea,

 

 Ausia, deadarra, zaratea...

 Tximini bakoitzetik naro kea

 Goruntz, kizkur, biurri, zurizkea.

 Kukurrukua, ollo-karkaxea.

 

 Egalik egal txakur zar gosea.

 Esnedun bat, argin bi, abadea,

 Iru lau lugin, idi ta goldea.

 Iturrira kantari neskamea.

 Urirantza barazki saltzallea

 Erremi txit, buruan otsarea.

 Kanpantorrean din-dan ioalea...

 

             Basetxea,

             Kurtzea,

             Eleizea,

 

 Meza Deuna, txiliņa, altarea,

 Jaunartzera ioranez arimea...

 

 Artean zeruaren erditzea,

 Sorkalde oriaren urratzea.

 Eder eguzkiaren sort-ogea...

 Atera da izarren erregea!...

 Orra eguzki bizi goizalea.

 Erlantz zolia; ņirņir da ortzea.

 Txir-txir-txir kirkillaren arlotea.

 Alai irribarrezka etxetea,

 

             Larrea,

             Zingerea,

             Lurbirea.

 

 Oi, ene baserriko goizaldea!...

 

 


inprimatu