Maitasun kezkak

Aurraitz

 Menditarteko andera,

 baso-kolkoka maitasuna;

 laztan baten azperena

 gogoan urrukadea.

 Eneban gura orbandu

 zeure laztana errudun:

 biotzeko saztadea

 ordutik ezin dot kendu.

 Sorgin-zelaiko dantzea

 begitxu baltzen samurr-pean;

 begikun batzun lilura

 ziltz-eztenaren edena.

 Eneban gura orbandu

 begikun areik errudun:

 biotzeko arantzea

 ordutik ezin dot kendu

 Leizar-peko gau zurbila

 kutunkerien zokondoa;

 itz leun batzuen eztia

 biotzan garraztasuna.

 Eneban gura orbandu

 zeure itzak ziran errudun:

 gogoko atsekabea

 ezin dot ezelan kendu.

 Baso-bide bakartsuan

 arrats isilaren kantea;

 zure barrien leiarra

 naikeri erakarrkorra.

 Oben ebilan inguru...

 Neu ete-nintzan errudun?

 Basoen lora mardula

 garbi gura neban zaindu