Txatxanduaren azkena

Aurraitz

 Bolu-alabagaz maitemin,

 aren garrai urduri nabil.

 Lats-ura ni baino maitean,

 urak eroan ete-eban nau.

 — Ezadi eldu gazte ibaira,

 igelen kantetan dantzari

 lamina zitala zaindari

 arrats-aizetan maite egarriz.

 — Must-egingo dot urazpira...

 ¡Aizea dagon ozkirria!

 Arraintxuei galdeko deutset

 ene maitea ikus dabenentz.

 — Ez yun mutil ibai barruna;

 gau aztarrnak mendi oinean.

 Erio ankerra altza-pean

 kantarik baltzenak kantetan

 Sartu zanean ur-azpira

 lamiñak maitemin lerdenaz.

 Iien otsa erreka-munen

 mutil txatxandua (1) eztager.

 Isil etorran ilargia.

 Tamalez egozan lerdiak.

 Bolu-neskaren maitaleak

 uretan gal eban bizia.

 (1) txatxandua-enamorado.