Nere zezen-taldea

Zaitegi'k

 Badut zezen taldea nere larratzean,

 kozkortsu, orru-zale, odola begian:

 ara-onaka dabiltz esi barrenean,

 busaloka, goseti, egon-eziñean.

 Agokorik ezean' urratuz lur latza,

 oldartzen dira leyan, astinduz isatsa:

 auts-odeiz lañotu da goian eguratsa,

 tai gabe murrusaka zezen beltzen otsa

 Nere esku zaintsuetan akullua dardar,

 ziztatzen ditut gogor, barruan su ta gar:

 zezenok buruenik, makur buru ta adar

 erabat nagusi naiz, izukaitz irripar

 Elkar ezin ikusiz, su-amorroz bete

 oiek gorroto naute ta ez ditut maite:

 ezingo ditut eran, bizi naizen arte,

 nere soin-aragiak yaki baititute.

                                                           1.952 gko. Irailak 26