Kristo berri
Etxaniz'tar Nemesi
Gaur igo zera lenengo aldiz aldarera, Apaiz berri:
zuri begira zoratzen zeuden agintari eta erri,
begi-biotzak malkolausotan; mingaņak berriz, aterri.
Lege berriaz lotua zendun zure biotz eta gerri.
Gotzai Jaunaren itzak sorgindu zitun zure ezpaņak,
nai dezunean zure esanera urratzeko eliz gaņak:
zeruetatik zai zenituan Aingeru-talde bikaņak,
zure eskuetan noiz eskeņiko guztion oben-ordaņak.
Makurtu zera, itzegin dezu, Kristotu zera mirariz,
ĢAu da benetan nere Gorputzaģ esanaz Jesusen oroiz:
Aingeru danak inguru zeuden zure almenen inbiriz:
zure eskuetan Jainkoa bera sortu dezu sorginkeriz.
Aldare ederra urre-argitan udaberritu da lorez:
intzentsuaren lurrun gozoak usaitu gaituzte gaņez:
Meza-erdian txilin-soņura biotza bete da amesez.
Eskoriazan eliz-barrua zerutu da goi-arnasez.
Zeru ta lurren Egille Jauna jaso dezu eskuetan,
Ogi ta Ardoa Jesusen Gorputz ta Odol biurtuz bertan.
Oben-gaitz danen sendabidea datorkigu zure itzetan.
Kristo ber-bera berritu zaigu, gaurko Meza-berri ontan.