Irutasuna
Etxaniz'tar Nemesi
Irutan Bat zaitugun Jaungoiko altsua,
Zu ikusteko oso det adimen lotua.
Argi ori ezpaita nere neurrikua,
Zu'ri begira, laster ninteke itxutua.
Lenbizi Aita zaitut, gauz denen Egille:
zure eskua baita guztion ongille.
Zu'k dezu gaiztoentzat inpernu-zerraille,
Zu zera zeruetan zorion-emaille.
Bigarren, Seme zera, Aitaren erraņu,
agortu gabeko Itz, ta Egi-albaņu.
Zugandik urruti da gezur da engaņu:
Zu'ri esker obenak ez dit sortu laņu.
Irugarren, or zatoz, Espiritu Santu.
Aita ta Semearen Maitasun umatu:
animen edergaillu, bizitza loratu.
Ai, Zurekin al-ba-nintz zeruetan batu!
