|
Laņo gorrixka
Etxaniz'tar Nemesi
Laņo gorrixka baten
nai zinduzket atxi,
ta izarrik gorenean
ezkuta, Axintxi;
an neretzat bakarrik
zindezadan pitxi,
ene jostallu zeran
biotzeko antsi!
Zure biotz-lapurren
bildurrikan gabe,
kate gozoz lotuak
alkarren mirabe,
biotzak eztaietan
maitezko bi labe,
antxe argitan biok
gindezke poz-jabe.
Zeruko Jauna bedi
gure poz-ikusle:
ez beza iņork zeleta
gure maite-zale,
ez iņoren bekaitzak
jan gure logale.
Ixil-ixillik-biok...!
amesti...! maitale!
|
