|
Anai-agurra
Jautarkol
Bizitzaren olatu
ta aizeak bultzata,
atzerri-lur oietan
Jaunak ala naita,
topa ziņaten biok
egun on batean,
ta lotu zerate gaur
ustarri batean.
Itxaropen gozozko
eztia darion
euzko kabi berri bat
sortu da Mexico'n.
Sinismen-suaz bero
dezala Jainkoak
zabaldurik maiteki
gaņean egoak.
Eztillargi beteak
bere izpi legunez
luzaroan argitu
beza gau t'egunez:
t'euskal-txori alaiak
barruan sortuaz,
alaitu dezatela
kanta ta soņuaz.
Au da nere agurra,
nere oparia...
Egan doakizute
bertsoaz jantzia.
Apaiz-bendizioa da,
ta anai-agurra,
Zeruko intza gozo ta
besarka xamurra.
(Nere anai Modesto ta Begoņa'ri beren ezkontza-egunean)
Urrestilla'tik 1947'an. Jautarkol
|
