inprimatu
Anai-arteko Gudate-ondorean
Izenburua:
Anai-arteko Gudate-ondorean
Sinadura:
Koldo Jauregi
Urkizaren iruzkina:
Egilea(k):
Jauregi, Koldo

Argitalpena:
Euzko-Gogoa.
Urtea:
1952
Argitalpenaren urtea:
Alea:
1/2
Orrialdea:
10

 

Anai-arteko gudate-ondorean

 

Jautarkol

 

 Itxas-ontzi-zatiak

 ekaitz-ondorean

 olatuen jostallu

 oi-dirun antzean,

 gelditu da Euzkadi,

 utsik eta autsia,

 munduko itxas nastuan

 errukigarria.

 

 Anai kementsuenak

 il zaizkigun gudan,

 urrun dauzkagu asko,

 bestetzuk kartzelan...

 Zenbat beren etxetik

 artuta gauean

 ilda laga dituzte

 bide-bazterrean...!

 

 Nun-nai bekozko illuna,

 nunai ezezpena,

 jauntxoen esku gure

 dirua ta azkena,

 biotzetan bildurra,

 nun-nai gorrotoak,

 ezpaiņetan itz txarrak,

 begitan malkoak...!

 

 Jauna, Goiko Jaun ona,

 erruki zakigu!

 Zigor au zure eskuak,

 maitez, eman digu.

 Entzun, ba, zure semeen

 eskari beroak...!

 Zure Erri kutunari

 zabaldu besoak...!

 

 Gogora zaite, beti

 gure Euskal-Erriak

 zuganontz jasoz euki

 ditula begiak.

 Beti aitortu zaitu

 gizarte-aurrean...

 Beste Jaunik ez du

 izan gudan ta pakean.

 

 Gugana itzuli zure,

 begi maitetsuak,

 t'errukitsu barkatu

 gure pekatuak.

 Gorrotoak itzali,

 txukatu malkoak,

 batu euskaldun oro

 zure babesean,

 euskeraren besotan,

 Euzkadia maitean...!

 

                                                                           1939.

 

 


inprimatu