inprimatu
Alboka-Soņu
Izenburua:
Alboka-Soņu
Sinadura:
Juan Ignazio Goikoetxea Gaztelu
Urkizaren iruzkina:
Egilea(k):
Goikoetxea, Juan Inazio

Argitalpena:
Euzko-Gogoa.
Urtea:
1951
Argitalpenaren urtea:
Alea:
11/12
Orrialdea:
2-3

 

Alboka-soņu

 

Bordatxuri

 

 Ardiak zaintzen oraino mendian

 nebilen ni bakartasun aundian.

 

           Bertsotan lasai, atsegin izanik;

 oen berririk ez ardiek baizik.

 

           Gaur berriz eskuan dakart aiztoa

 lizar gainean landu naiz bertsoa.

 

           Zer dudan ikus begien aurrean

 berri damaizut lizar-azalean.

 

           Artzaineska bat zait mendian ager;

 iņoiz ez ikus bera bezin eder.

 

           Begia du ņabar, xangoak gorri,

 soinekoa berde, gerruntza zuri.

 

           Zeru-lurra bai-litzait soin biurtu

 ta dan ederra begi-barneratu.

 

           Eguzkiak eman bai-lio urre,

 lore ta belarrak usain-kolore...

 

           Orla ager zait bere antz-itura:

 eder, zorakor, begiek lillura!

 

           Ageri bezela, nere ardiak

 larretik yaso begi-belarriak.

 

           Adi-adi yarri zaizko Neskari:

 aundi ta txiki agurka zintzarri!

 

           Arat-onat arzainorak itsatsa,

 lerde dariolarik arnas-oska.

 

           Artzaimutilak, albokari trebe,

 on-etorria dario lizarpe.

 

           Nik berriz bildurik lorepil-xorta

 Artzaineskari diot maitez opa.

 

           —Nundik zatoz eta zertan zabiltza,

 diot Neskari, nun duzu artzaintza?

 

           —Euskal-mendietan ibili nabil,

 ardi banatuak nai nituzke bil

 

           Nik arduraz maiteki zainduarren

 bat edo beste or sakabanatzen.

 

           Larre gizenetan bazkaraziak,

 pagotxa-soroz maiz ibiliak.

 

           Neguan ere, elurte-aldian,

 arbia nemaien borda barnean...

 

           Alere nigandik igesi doaz,

 axolik ez dute beren buruaz.

 

           —Ez egin negar, Artzaineska orrek!

 Orra or nereak, zaindu zerorrek!

 

           Zatoz aintzinean txistu-eginik:

 zu nora ardiak ara atzetik...

 

           Baņan, ots! Bera diyoa eguna;

 nere bordan dukezu atsedena.

 

           Gaua izar. Badario iruntza.

 Borda xarrean on duke etzauntza.

 

           Ardiak banaka yetzi ondoren,

 katillu bat esne diot eskeintzen.

 

           Garoan etzinik gero, loak ar

 Neska. Amesmin ni... Ardiak ausnar...

 

           Amets egin dut zerutik Artizar

 yautsi zaidala borda xarrera bart!

 

 


inprimatu