Errota arria
Etxaniz'tar Nemesi
—1—
Errotazuriko alaba
eiotzen ari da artoa,
errota-arriaren negarra
aidean zear doa.
Arritzar orrek etzak mindu
nexka gaxoaren kolkoa:
artairiņez nasten ari da
gaztearen malkoa.
—2—
Erreka-zuloan errotak
eten gabe du tranga-otsa,
arekin batera taupaka
dabil nexka-biotza.
Illunabarrez aditzen da
urretxindorraren abotsa,
zotinka laster dualako
egunak eriotza.
—3—
ĄBai luze joaten zaiola
umezurtzari gau illuna!
Illargiak ez du poztu nai
errotaren jarduna.
Loak artu eziņik dago
noiz argituko-ote eguna:
malkoz bustia lagatzen du
gabaz burko biguna.
Oarra. Errota-arria, aur-jolasen artean azalduko da liburuan.
